AUTONOMÍA CON 3 ANOS

Benvidos e benvidas,

Esta primeira entrada adicarémola á continuación do traballo de autonomía dos pequenos e pequenas de 3 anos. Como xa sabedes, un dos obxectivos prioritarios da etapa de Infantil nesta idade é que os nenos e nenas acaden pequenos logros diarios coma: poder quitar e poñer a súa roupa, abrir e pechar a mochila, colgar na percha, e tamén abrochar e desabrochar o mandilón.

Para realizar esta última tarefa os nenos e nenas realizan un traballo de precisión, onde afondan na súa motricidade fina. Durante estes días podedes realizar con eles pequenas propostas de abrochar e desabrochar, coma por exemplo esta actividade que realizábamos nas aulas:

Podedes aproveitar algunha chaqueta que teñeades pola casa, ou mesmo aproveitar os momentos de realizar algunha manualidade para que poñan o mandilón e practiquen. 

Precisamente para seguir a traballar a motricidade fina vos deixamos por aquí un conto de Tamara Chubarovsky “Pic y Puc”, onde os nenos e nenas traballarán coas súas mans, exercitando os dediños:

Ademáis, algunhas propostas manuais que podedes realizar con eles durante estes días, aproveitando algunha cousiña que teñades pola casa, son as seguintes:

- Realización de trazos en papel e repaso dos mesmos con : pegatinas, boliñas de papel ou plastelina (esto axudará tamén a traballar a prensión dos dedos), xoguetes pequenos, botones, etc.

- Ensartar palliñas a través de tubos de papel hixiénico, previamente poden decoralo 

- Outra actividade importante para traballar a motricidade fina e a prensión das mans é o traballo con pinzas de tender a roupa. Poden realizar por exemplo un debuxo da súa cabeza, ollos, nariz, boca, etc e posteriormente poñerlle pelo utilizando pinzas da roupa. Quedaría algo así: 

Vos deixamos por aquí a imaxen do boneco por si preferides descargala e imprimila para que o decoren como eles queiran:

- Con pinzas depilatorias podénse realizar tamén xogos de clasificación onde estaremos traballando a prensión, a forza dos dedos e das mans. Podedes facer clasificacións por cores utilizando: moldes para xeo, ou recipientes para os ovos, botóns, boliñas de plasti de cores, etc. 

A maiores e para seguir traballando a autonomía aproveitade esta situación para que vos axuden na casa a realizar tarefas cotiás: cociñar, facer as camas, vestirse, axudarse na hora do baño, etc.

Se vos animades a realizar algunha destas propostas ou outras podedes compartilas con nos mandando imaxes, vídeos, etc, a este correo electrónico: 3anoschouzo@gmail.com

Nada máis polo momento, esperamos que todos e todas estedes o mellor posible, 

moito ánimo e unha aperta moi forte!

Rosa e Leti