MATEMARTE. 5 ANOS B

     Ola familias!!!:

     Con esta nova entrada quero mesturar as matemáticas coa arte a través de pintores coma Wassili Kandinsky ou Piet Mondrian.

     WASSILI KANDINSKY:   Deixo un vídeo sobre este pintor para que o coñezades:

 

    As pinturas de Kandinsky usan a cor a cor para mostrar as emocións en lugar de obxectos reais. Literalmente, él vía a música e era o que pintaba. Unha das súas obras é "Cadrados con círculos concéntricos":

    Actividade:  Observade con atención este cadro fixándovos nas formas xeométricas que aparecen nel, cantas cores empregou o artista... e, con música de fondo, facede a vosa propia versión do cadro empregando círculos e cadrados, como vos queirades, deixándovos inspirar pola música.

       PIET MONDRIAN:  Deixo outro vídeo para achegarvos a este pintor holandés. Unha pregunta: qué outro pintor coñecedes que sexa de Holanda???

    Mondrian pintaba os cadros  únicamente con vermello, amarelo e azul, ademais do branco e do negro porque para él son as cores máis importantes, os que nunca se obteñen mesturando e dos que ,cando se abrazan, saen o resto de cores. Ademais de con estas cores pintaba soamente líñas rectas horizaontais e verticais. Unha das súas obras é "Composición A", qué formas xeométricas vedes?:

   

    Actividade: Observa a obra e fai unha versión da mesma con cadrados e rectángulos, como ti queiras, e empregando as cores amarelo, vermello, azul, branco e negro.
   
       Ademais, investiga qué cores se dan das seguintes mesturas, podedes comprobalo mesturando témpera, acuarelas, rotuladores...:
       - Vermello- amarelo.
       - Amarelo- azul.
       - Azul- vermello.
       - Vermello- branco.
       - Branco- negro.

      Cando o investiguedes e vexades as cores de cada mestura coloreade este debuxo con estas cores. Seguro que vos queda unha composición preciosa!!!!:

   Outro artista que empregou as matemáticas para facer algunhas das súas obras foi un pintor norteamericano chamado JASPER JHONS, en obras como as seguintes: 

    - "Do 0 ao 9":

 
 - "Números en cor":

      Actividade: Observade as obras e fixádevos nos números que aparecen nelas. Facede voar a vosa imaxinación e creade o voso propio cadro empregando diferentes números.

      Por último, déixovos o seguinte vídeo para que vexades cómo se poden facer diferentes debuxos partindo de diferentes números. Se queredes, experimentade e probade a facelos:

                                       

      Moi ben artistas!!!! Espero que vos gustaran estes pintores novos. Podedes mandarme as vosas obras de arte por calquera das vías de comunicación que temos!!! Unha aperta e un bico moi grande!!!!