Moi bos días a todos! Xa estamos a piques de rematar este curso e seguro que a maioría de vós xa estades desfrutando moitísimo dos momentos de xogo ao aire libre con papá, mamá e os vosos irmáns. Hoxe propóñovos unha actividade para que sumedes a tódolos vosos paseos e momentos divertidos. Para realizala, precisaremos que os máis maiores leven consigo algún tipo de dispositivo fotográfico: teléfono, cámara de fotos...
A actividade consiste en realizar diferentes fotografías divertidas, que inclúan aos nenos e nenas no entorno da súa cidade. Para elo poderemos xogar coa perspectiva, integrando aos nenos e nenas co fondo real. Déixovos algúns exemplos a continuación.
A proposta busca que sexades moi creativos e pensedes en diferentes composicións divertidas que amosar aos demais compañeiros e compañeiras. Seguro que conseguides facer cousas chulísimas e entre todos e todas logramos construir unha interesante guía de lugares característicos de Vigo.
Espero a chegada das vosas propostas no noso drive.
Un bico e unha aperta enormes. Desfrutade moitísimo
Sara
Ningún comentario:
Publicar un comentario